ప్రస్తుతం మన టాలీవుడ్ లో రీ రిలీజ్ లు మళ్ళీ ఊపందుకున్న సంగతి తెలిసిందే. అలా గత వారం రోజుల్లోనే మన సీనియర్ స్టార్ హీరోస్ నుంచి రెండు రీ రిలీజ్ లు వచ్చేసాయి. మెగాస్టార్ చిరంజీవి ఇంద్ర అలాగే కింగ్ నాగార్జున మాస్ చిత్రాలు థియేటర్స్ లోకి రాగా ఈ చిత్రాలు తర్వాత మళ్ళీ థియేటర్స్ లోకి రాబోతున్న సాలిడ్ చిత్రమే “గబ్బర్ సింగ్”.
పవర్ స్టార్ పవన్ కళ్యాణ్ హీరోగా శృతి హాసన్ హీరోయిన్ గా దర్శకుడు హరీష్ శంకర్ తెరకెక్కించిన ఈ చిత్రం ఇపుడు పవన్ బర్త్ డే కానుకగా ఫుల్ ఫ్లెడ్జ్ రీ రిలీజ్ కి రాబోతుంది. ఇక ఈ సినిమా బుకింగ్స్ ఆసక్తిగా ఎదురు చూస్తుండగా 5 రోజులు ముందే బుకింగ్స్ ఓపెన్ అయ్యాయి.
మరి తెలుగు రాష్ట్రాల్లో అనేక ప్రాంతాల్లో అయితే సింగిల్ స్క్రీన్స్ లో ఇలా టికెట్స్ పెట్టిన వెంటనే అమ్ముడు పోయాయి. దీనితో మరోసారి గబ్బర్ సింగ్ మేనియా మొదలైంది అని చెప్పాలి. ఇక ఈ చిత్రానికి దేవిశ్రీ ప్రసాద్ సంగీతం అందించగా బండ్ల గణేష్ నిర్మాణం వహించిన సంగతి తెలిసిందే.