పవర్ స్టార్ పవన్ కళ్యాణ్ హీరోగా శృతి హాసన్ హీరోయిన్ గా దర్శకుడు హరీష్ శంకర్ తెరకెక్కించిన భారీ హిట్ చిత్రం “గబ్బర్ సింగ్” మళ్లీ 12 ఏళ్ళు తర్వాత పవన్ బర్త్ డే కానుకగా ఈసారి రిలీజ్ చేసిన సంగతి అందరికీ తెలిసిందే. మరి వర్కింగ్ డే సోమవారం పవన్ కళ్యాణ్ బర్త్ డే రావడంతో రీ రిలీజ్ కి జనాలు ఏమన్నా తక్కువమంది వస్తారు ఏమో అని చాలా మంది అనుకున్నారు కానీ గబ్బర్ సింగ్ రీ రిలీజ్ ఊహలకు మించి హిట్ అయ్యింది అని చెప్పాలి.
రెండు తెలుగు రాష్ట్రాల్లో వర్షాలు ఉన్నప్పటికీ భారీ ఆక్యుపెన్సీ లతో గబ్బర్ సింగ్ సినిమాని ఫ్యాన్స్ ఆడియెన్స్ వీక్షించారు. ఇక కొన్ని సింగిల్ స్క్రీన్స్ లో అయితే ఉన్న సీటింగ్ కంటే ఎక్కువమంది థియేటర్స్ లో కనిపించి షాకిచ్చారు. ఇలా రెండు తెలుగు రాష్ట్రాల్లో అయితే మరోసారి పండుగలా గబ్బర్ సింగ్ రీ రిలీజ్ జరిగింది అని చెప్పాలి. మరి వసూళ్లు అయితే ఏ రేంజ్ లో ఉంటాయో అనేది వేచి చూడాల్సిందే. ఇక ఈ చిత్రానికి దేవిశ్రీప్రసాద్ సంగీతం అందించారు అలాగే బండ్ల గణేష్ నిర్మాణం వహించిన సంగతి తెలిసిందే.