యంగ్ హీరో ఆనంద్ దేవ‌రకొండ న‌టించిన లేటెస్ట్ కామెడీ క్రైమ్ ఎంట‌ర్టైన‌ర్ మూవీ ‘గం గం గ‌ణేశా’ నేడు ప్ర‌పంచ‌వ్యాప్తంగా రిలీజ్ అయ్యింది. ఈ సినిమాను ఉద‌య్ బొమ్మిశెట్టి డైరెక్ట్ చేశారు. కాగా ఈ సినిమాకు సంబంధించిన ఓటీటీ పార్ట్న‌ర్ ను చిత్ర యూనిట్ లాక్ చేసింది.
‘గం గం గ‌ణేశా’ చిత్రానికి సంబంధించిన ఓటీటీ రైట్స్ ను ప్ర‌ముఖ ఓటీటీ ప్లాట్ ఫామ్ అమెజాన్ ప్రైమ్ కొనుగోలు చేసింది. థియేట్రిక‌ల్ ర‌న్ ముగిసిన త‌రువాత ఈ మూవీని ప్రైమ్ వీడియోలో స్ట్రీమింగ్ చేయ‌నున్నారు.
ఇక ఈ సినిమాలో ప్ర‌గ‌తి శ్రీ‌వాస్త‌వ, న‌య‌న్ సారిక హీరోయిన్లుగా న‌టించారు. వీరితో పాటు వెన్నెల కిషోర్, ఇమ్మాన్యుయెల్, రాజ్ అరుణ్, స‌త్యం రాజేష్ ఇత‌ర ముఖ్య పాత్ర‌ల్లో న‌టించారు. చేత‌న్ భ‌ర‌ద్వాజ్ ఈ చిత్రానికి సంగీతాన్ని అందించారు.
