ప్ర‌స్తుతం టాలీవుడ్ లో తెర‌కెక్కుతున్న ప్రెస్టీజియ‌స్ ప్రాజెక్టుల్లో గ్లోబ‌ల్ స్టార్ రామ్ చ‌ర‌ణ్ న‌టిస్తున్న ‘గేమ్ ఛేంజ‌ర్’, మ్యాన్ ఆఫ్ మాసెస్ జూ.ఎన్టీఆర్ న‌టిస్తున్న దేవ‌ర సినిమాల‌పై ఎలాంటి అంచ‌నాలు క్రియేట్ అయ్యాయో అంద‌రికీ తెలిసిందే. గేమ్ ఛేంజ‌ర్ సినిమాను త‌మిళ స్టార్ డైరెక్ట‌ర్ శంక‌ర్ తెర‌కెక్కిస్తుండ‌గా, దేవ‌ర సినిమాను కొర‌టాల శివ డైరెక్ట్ చేస్తున్నారు. ఈ రెండు సినిమాల‌పై కూడా అభిమానులు పూర్తి కాన్ఫిడెంట్ గా ఉన్నారు.

అయితే, ఈ రెండు సినిమాల్లోనూ ఓ పాయింట్ సిమిల‌ర్ గా ఉండ‌టం ఇప్పుడు నెట్టింట హాట్ టాపిక్ గా మారింది. ఈ రెండు సినిమాల్లో కూడా హీరోలు రెండు విభిన్న పాత్ర‌ల్లో న‌టిస్తున్నారు. గేమ్ ఛేంజ‌ర్ లో రామ్ చ‌ర‌ణ్ తండ్రి, కొడుకు పాత్ర‌ల్లో న‌టిస్తున్నాడు. తండ్రిగా రైతు పాత్ర‌లో, కొడుకుగా ఐఏఎస్ ఆఫీస‌ర్ పాత్ర‌లో చ‌ర‌ణ్ యాక్ట్ చేస్తున్నాడు. అటు దేవ‌ర సినిమాలోనూ తండ్రీకొడుకుల పాత్ర‌లో తారక్ క‌నిపిస్తాడు.

ఇక ఈ రెండు సినిమాల్లోనూ తండ్రికి అన్యాయం చేసిన‌వారిపై కొడుకు ప‌గ‌తీర్చుకునే అంశాన్ని మ‌న‌కు చూపించ‌బోతున్నారు. ఈ రెండు సినిమాల నేప‌థ్యం వేరైనా, క‌థ‌లోని పాయింట్ ఒక‌టే అని సినీ వ‌ర్గాల్లో టాక్ వినిపిస్తోంది. ఇక గేమ్ ఛేంజ‌ర్ మూవీ సింగిల్ పార్ట్ లో వ‌స్తుండ‌గా, దేవ‌ర రెండు పార్ట్ ల‌లో రిలీజ్ కానుంది.