టాలీవుడ్‌లో తెరకెక్కిన ప్రెస్టీజియస్ చిత్రాల్లో గ్లోబల్ స్టార్ రామ్ చరణ్ నటిస్తున్న ‘గేమ్ ఛేంజర్’ కూడా ఒకటి. ఈ సినిమా షూటింగ్ ఇప్పటికే ముగించుకుని ప్రస్తుతం పోస్ట్ ప్రొడక్షన్ పనుల్లో బిజీగా ఉంది. దర్శకుడు శంకర్ ఈ సినిమాతో సాలిడ్ కమ్‌బ్యా్క్ ఇచ్చేందుకు సిద్ధమవుతున్నాడు. ఇప్పటికే రిలీజ్ అయిన పోస్టర్స్, సాంగ్స్, టీజర్ ఈ సినిమాపై అంచనాలను పెంచేశాయి.
ఇక ఈ సినిమాను సంక్రాంతి కానుకగా జనవరి 10న గ్రాండ్ రిలీజ్ చేసేందుకు మేకర్స్ ప్లాన్ చేస్తున్న సంగతి తెలిసిందే. అయితే, ఈ సినిమా రిలీజ్‌కు ఇంకా 50 రోజులు మాత్రమే ఉందని కౌంట్‌డౌన్ స్టార్ట్ చేశారు మేకర్స్. ఈ క్రమంలో ఓ సరికొత్త పోస్టర్‌తో ఈ కౌంట్‌డౌన్‌ను స్టార్ట్ చేశారు. సైకిల్‌పై రామ్ చరణ్ వెళ్తున్న ఈ పోస్టర్ ‘రంగస్థలం’ను గుర్తుకు చేస్తుందని అభిమానులు థ్రిల్ అవుతున్నారు. ఆ సినిమా ఎలాంటి బ్లాక్‌బస్టర్ విజయాన్ని అందుకుందో, ఈ ‘గేమ్ ఛేంజర్’ అంతకు మించిన విజయాన్ని అందుకోవడం ఖాయమని అభిమానులు ఆశిస్తున్నారు.
ఈ సినిమాలో కియారా అద్వానీ, ఎస్.జె.సూర్య, శ్రీకాంత్, సునీల్, అంజలి తదితరులు ఇతర ముఖ్య పాత్రల్లో నటిస్తున్నారు. ఈ సినిమాకు థమన్ సంగీతం అందిస్తున్నాడు.