“డాకు మహారాజ్” ట్రైలర్ కోసం “గేమ్ ఛేంజర్” ఎడిటర్

టాలీవుడ్ లో ఈ సంక్రాంతి ఫీవర్ ఆల్రెడీ మరింత ఊపందుకున్న సంగతి తెలిసిందే. ఇలా సంక్రాంతికి రానున్న లేటెస్ట్ చిత్రాల్లో నందమూరి నటసింహం బాలకృష్ణ హీరోగా దర్శకుడు కొల్లి బాబీ కాంబినేషన్ లో తెరకెక్కించిన భారీ యాక్షన్ చిత్రం “డాకు మహారాజ్” కూడా ఒకటి. అయితే ఈ సినిమా ట్రైలర్ కోసం ఇపుడు అభిమానులు ఆసక్తిగా ఎదురు చూస్తుండగా ఈ ట్రైలర్ కంటే ముందు గ్లోబల్ స్టార్ రామ్ చరణ్ నటించిన గేమ్ ఛేంజర్ ట్రైలర్ వచ్చి సెన్సేషనల్ రెస్పాన్స్ ని అందుకుంది.

అయితే ఈ ట్రైలర్ సహా సినిమాకి వర్క్ చేసిన ఎడిటర్ రూబెన్ ఇపుడు డాకు మహారాజ్ కోసం రంగంలోకి దిగారు. ప్రస్తుతం ట్రైలర్ కట్ పనుల్లో ఉన్నట్టుగా తెలిపి దర్శకుడు బాబీ తనపై పెట్టుకున్న నమ్మకానికి థాంక్స్ చెప్తూ ట్రైలర్ కట్ సిద్ధం అయ్యిందని కన్ఫర్మ్ చేశారు. మరి డాకు మహారాజ్ ట్రైలర్ అదిరిపోయినట్టుగా కూడా తాను చెబుతున్నారు. మరి ఈ ట్రైలర్ రిలీజ్ డేట్ ఇంకా అధికారికంగా రావాల్సి ఉంది.