గ్లోబల్ స్టార్ రామ్ చరణ్ హీరోగా స్టార్ దర్శకుడు శంకర్ కాంబినేషన్లో చేస్తున్న సెన్సేషనల్ ప్రాజెక్ట్ ‘గేమ్ ఛేంజర్’. జనవరి 10, 2025న థియేటర్లలోకి రానుంది. ఈ పొలిటికల్ డ్రామా షూటింగ్ చివరి దశకు చేరుకున్న సంగతి తెలిసిందే. ఈ క్రమంలో ఈ సినిమా చివరి షెడ్యూల్ ను రేపు హైదరాబాద్‌లో మొదలు పెట్టనున్నారు. ఈ షెడ్యూల్ లో సహాయక నటీనటులతో పాటు ప్రధాన నటీనటులు కూడా షూట్‌లో జాయిన్ అవుతారని తెలుస్తోంది. ప్రస్తుతం ఈ సినిమా పోస్ట్ ప్రొడక్షన్ పనులు కూడా జరుగుతున్నాయి.
ఇప్పటికే విడుదలైన ఈ సినిమా టీజర్ అందరినీ ఆకట్టుకుంది. ముఖ్యంగా టీజర్‌లో చరణ్ లుక్స్, తమన్ బీజీఎం, శంకర్ భారీ విజువల్స్ మొత్తానికి ఫ్యాన్స్ ని ఫిదా చేశాయి. కాగా మెగా అభిమానులు ఈ సినిమా కోసం చాలా ఆసక్తికరంగా ఎదురు చూస్తున్నారు. పైగా ఈ సంక్రాంతికి విడుదలవుతున్న భారీ చిత్రాల్లో ఈ సినిమా కూడా ఒకటి. ఈ సినిమాలో కియారా అద్వానీ కథానాయికగా నటిస్తోంది. మరో కీలక పాత్రలో అంజలి కనిపించనుంది. అన్నట్టు గేమ్ ఛేంజర్ నార్త్ ఇండియా థియేటర్స్ రైట్స్ ను అనిల్ తడాని యొక్క AA ఫిల్మ్స్ సొంతం చేసుకున్న సంగతి తెలిసిందే.