మెగా పవర్ స్టార్ రామ్ చరణ్ ప్రధాన పాత్రలో, స్టార్ డైరెక్టర్ శంకర్ దర్శకత్వంలో తెరకెక్కుతున్న పొలిటికల్ యాక్షన్ ఎంటర్టైనర్ గేమ్ చేంజర్. ఈ చిత్రంలో బాలీవుడ్ బ్యూటీ కియారా అద్వానీ హీరోయిన్ గా నటిస్తుంది. భారతీయుడు 2 రిలీజ్ కావడం తో శంకర్ ఈ చిత్రాన్ని వీలైనంత త్వరగా థియేటర్ల లోకి తీసుకు వచ్చేందుకు సన్నాహాలు చేస్తున్నారు. అయితే ఈ చిత్రం రిలీజ్ పై ఇప్పుడు లేటెస్ట్ బజ్ ఏమిటంటే, డిసెంబర్ నెలను టార్గెట్ చేసినట్లు తెలుస్తోంది.
పుష్ప 2 ది రూల్ చిత్రం వాయిదా పడితే, అదే డేట్ కి గేమ్ చేంజర్ వచ్చే అవకాశాలు కనిపిస్తున్నాయి. డిసెంబర్ నెలకే సినిమాను రిలీజ్ చేయాలని మేకర్స్ భావిస్తున్నట్లు తెలుస్తోంది. దీనిపై మేకర్స్ నుండి క్లారిటీ రావాల్సి ఉంది. ప్రముఖ టాలివుడ్ నిర్మాత అయిన దిల్ రాజు నిర్మాతగా వ్యవహరిస్తున్న ఈ భారీ బడ్జెట్ చిత్రానికి మ్యూజికల్ సెన్సేషన్ థమన్ సంగీతం అందిస్తున్నారు. ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
