24 గంటల్లో రికార్డు వ్యూస్ తో “గేమ్ ఛేంజర్” టీజర్ సెన్సేషన్..

గ్లోబల్ స్టార్ రామ్ చరణ్ హీరోగా కియారా అద్వానీ హీరోయిన్ గా దర్శకుడు శంకర్ తెరకెక్కించిన అవైటెడ్ సినిమానే “గేమ్ ఛేంజర్”. మరి సాలిడ్ హైప్ ఉన్న ఈ చిత్రం నుంచి మేకర్స్ అవైటెడ్ టీజర్ కట్ ని రిలీజ్ చేయగా దీనికి మంచి రెస్పాన్స్ కూడా వచ్చింది. అయితే ఈ టీజర్ మొత్తం మూడు భాషల్లో రిలీజ్ చేయగా దీనికి రీసెంట్ టైం లో మన టాలీవుడ్ నుంచి ఏ టీజర్ కి కూడా రాని బిగ్గెస్ట్ రెస్పాన్స్ వచ్చింది అని చెప్పాలి.

ఇలా మొత్తం 24 గంటల్లో గేమ్ ఛేంజర్ సెన్సేషనల్ నంబర్స్ ని కొల్లగొట్టింది. దీనితో మొత్తం ఈ 24 గంటల్లోనే ఈ టీజర్ ఏకంగా 70 మిలియన్ కి పైగా వ్యూస్ ని అందుకున్నట్టుగా మేకర్స్ కన్ఫర్మ్ చేశారు. ఇది మాత్రం సెన్సేషన్ అనే చెప్పాలి. ఇక ఈ చిత్రానికి థమన్ సంగీతం అందించగా ఎస్ జె సూర్య, శ్రీకాంత్, సునీల్ తదితరులు నటించారు. అలాగే దిల్ రాజు భారీ వ్యయంతో తెరకెక్కించిన ఈ చిత్రం జనవరి 10న గ్రాండ్ గా రిలీజ్ కి రాబోతుంది.