గ్లోబల్ స్టార్ రామ్ చరణ్ నటిస్తున్న లేటెస్ట్ మూవీ ‘గేమ్ ఛేంజర్’ ఇప్పటికే షూటింగ్ పనులు ముగించుకుని సంక్రాంతి కానుకగా గ్రాండ్ రిలీజ్‌కి రెడీ అవుతోంది. ఇక ఈ సినిమాను దర్శకుడు శంకర్ ప్రెస్టీజియస్‌గా డైరెక్ట్ చేస్తున్నాడు. ఈ సినిమా నుండి రీసెంట్‌గా టీజర్‌ను రిలీజ్ చేశారు మేకర్స్. ఈ టీజర్ సాలిడ్‌గా ఉందంటూ అభిమానులు పండగ చేసుకుంటున్నారు. రామ్ చరణ్‌ను శంకర్ పవర్‌ఫుల్‌గా ప్రెజెంట్ చేస్తున్నాడని ఈ టీజర్ చూసి వారు చెబుతున్నారు.
అయితే, ఈ టీజర్‌లో థమన్ అందించిన బీజీఎం నెక్స్ట్ లెవెల్‌లో ఉందంటూ అభిమానులు ప్రశంసలు కురిపించారు. వారికోసం చిత్ర యూనిట్ తాజాగా ‘గేమ్ ఛేంజర్’ టీజర్ థీమ్‌ని రిలీజ్ చేశారు. ఈ థీమ్‌లో టీజర్‌లోని బీజీఎం సౌండ్ మోత మోగిందని చెప్పాలి. థమన్ బీజీఎం స్పెషలిస్ట్ అని ఎందుకు అంటారో ఈ థీమ్ ఆడియో వింటే అర్థమవుతోంది. ఇక ఈ సినిమాలో చరణ్ రెండు వైవిధ్యమైన పాత్రల్లో నటిస్తున్నట్లు టీజర్‌లో కనిపిస్తుంది.
ఈ సినిమాలో అందాల భామ కియారా అద్వానీ హీరోయిన్‌గా నటిస్తుండగా.. అంజలి, శ్రీకాంత్, సునీల్, ఎస్.జె.సూర్య తదితరులు ఇతర ముఖ్య పాత్రల్లో నటిస్తున్నారు. ఈ సినిమాను దిల్ రాజు, శిరీష్ భారీ బడ్జెట్‌తో ప్రొడ్యూస్ చేస్తున్నారు.
