11 చోట్ల రిలీజ్ కానున్న ‘గేమ్ చేంజర్’ టీజర్

గ్లోబ‌ల్ స్టార్ రామ్ చ‌ర‌ణ్‌, స్టార్ డైరెక్టర్ శంక‌ర్ కాంబినేష‌న్‌లో రూపొందుతోన్న భారీ బ‌డ్జెట్ పాన్ ఇండియా చిత్రం ‘గేమ్ చేంజర్’. ఈ సినిమాను శ్రీవెంకటేశ్వర క్రియేషన్స్, జీ స్టూడియోస్, దిల్ రాజు ప్రొడక్షన్ బ్యానర్స్‌పై దిల్ రాజు, శిరీష్ నిర్మిస్తున్నారు. ప్రపంచవ్యాప్తంగా తెలుగు, త‌మిళ‌, హిందీ భాష‌ల్లో జ‌న‌వ‌రి 10న మూవీ గ్రాండ్ రిలీజ్ కానుంది. న‌వంబ‌ర్ 9న ల‌క్నోలో ఈ మూవీ టీజ‌ర్‌ను రిలీజ్‌కు భారీ స‌న్నాహాలు చేయ‌టం విశేషం.

అయితే 11 చోట్ల (హైద‌రాబాద్‌-సుద‌ర్శన్‌, వైజాగ్‌- సంగం శ‌ర‌త్‌, రాజ‌మండ్రి-శివ జ్యోతి, విజ‌య‌వాడ‌-శైల‌జ‌, క‌ర్నూల్- వి మెగా, నెల్లూర్‌-ఎస్2 థియేట‌ర్‌, బెంగ‌ళూర్‌- ఊర్వశి థియేట‌ర్‌, అనంత‌పూర్‌-త్రివేణి, తిరుప‌తి-పి.జి.ఆర్‌, ఖ‌మ్మం-ఎస్‌వీసీ శ్రీతిరుమ‌ల‌) ఈ టీజ‌ర్‌ను అభిమానుల స‌మ‌క్షంలో విడుద‌ల చేస్తుండ‌టం ప్రస్తుతం హాట్ టాపిక్‌గా మారింది. దీంతో అభిమానుల్లో ఈ టీజర్‌పై అంచనాలు భారీగా క్రియేట్ అయ్యాయి.

ఇక ఈ సినిమాలో రామ్ చరణ్ ఐఏఎస్ ఆఫీసర్‌గా కనిపిస్తాడు. ఎస్‌.ఎస్‌.త‌మ‌న్ సంగీతం అందిస్తున్న ఈ సినిమాలో కియారా అద్వానీ, అంజలి, సునీల్, శ్రీకాంత్, ఎస్.జె.సూర్య ఇతర ముఖ్య పాత్రల్లో నటించారు. ఈ చిత్రానికి సాయి మాధ‌వ్ బుర్రా డైలాగ్స్ అందించారు. మరి ఈ టీజర్ ఎలాంటి సెన్సేషన్ క్రియేట్ చేస్తుందో చూడాలి.