గ్లోబల్ స్టార రామ్ చరణ్ నటిస్తున్న లేటెస్ట్ మూవీ ‘గేమ్ ఛేంజర్’ సంక్రాంతి కానుకగా రిలీజ్‌కు రెడీ అయ్యింది. దర్శకుడు శంకర్ ఈ చిత్రాన్ని తెరకెక్కిస్తుండటంతో అంచనాలు భారీగా క్రియేట్ అయ్యాయి. ఇక సంక్రాంతి పండుగ సీజన్‌లో టాలీవుడ్ నుండి మరో రెండు సినిమాలు పోటీలో ఉన్నా, మెగా ఫ్యాన్స్ మాత్రం ఈ సినిమా గ్రాండ్ విక్టరీ అందుకోవడం ఖాయమని ధీమా వ్యక్తం చేస్తున్నారు.
అయితే, ఇప్పుడు ఈ సినిమాకు మరో మూవీ పోటీకి రానుంది. తమిళ స్టార్ హీరో అజిత్ నటిస్తున్న చిత్రం ‘గుడ్ బ్యాడ్ అగ్లీ’ ఇప్పటికే షూటింగ్ పనులు ముగించుకుని రిలీజ్‌కు రెడీగా ఉంది. అయితే, ఈ సినిమాను మైత్రీ మూవీ మేకర్స్ ప్రొడ్యూస్ చేస్తున్నారు. ఈ సినిమాను కూడా సంక్రాంతి కానుకగా రిలీజ్ చేస్తున్నట్లు వారు తెలిపారు. దీంతో సంక్రాంతి పండుగ సీజన్ మరింత ఆసక్తికరంగా మారింది.
పాన్ ఇండియా మూవీగా ‘గేమ్ ఛేంజర్’ను తెలుగుతో పాటు తమిళ్‌లోనూ భారీ స్థాయిలో రిలీజ్ చేయాలని మేకర్స్ ప్లాన్ చేస్తున్నారు. కానీ, ఇప్పుడు అజిత్ రూపంలో వారికి సాలిడ్ పోటీ ఎదురవుతోంది. మరి పొంగల్ బరిలో ‘గేమ్ ఛేంజర్’కు ‘గుడ్ బ్యాడ్ అగ్లీ’ ఎలాంటి పోటీని ఇస్తుందో తెలియాలంటే మరికొద్ది రోజులు వెయిట్ చేయాల్సిందే.
