గౌతమ్ మీనన్ దర్శకత్వంలో అజిత్, అనుష్క, త్రిష ప్రధాన పాత్రలలో నటించిన ‘ఎన్నై ఆరిందాల్’ చిత్రం ఇటివల విడుదలైంది. ఈ చిత్రం మంచి విజయం సాదించడంతో తన తదుపరి సినిమాపై దర్శకుడు దృష్టి పెట్టారు. ఇటివల చియాన్ విక్రమ్ ను కలిసి గౌతమ్ మీనన్ ఓ కథ చెప్పారు. ఈ కథ నచ్చడంతో గౌతమ్ మీనన్ దర్శకత్వంలో నటించడానికి విక్రమ్ అంగీకరించారని చెన్నై మీడియా టాక్.
ప్రస్తుతం విక్రమ్, విజయ్ మిల్టన్ దర్శకత్వంలో మురుగదాస్ నిర్మిస్తున్న చిత్రం ’10 ఎండ్రదుకుల్లా’ చిత్రీకరణలో బిజీగా ఉన్నారు. ఇది పూర్తవడానికి రెండు నెలల సమయం పడుతుంది. ఈ సమయంలో గౌతమ్ మీనన్ స్క్రిప్ట్ వర్క్ కంప్లీట్ చేయనున్నారు. బహుశా మార్చి నేలఖారున విక్రమ్, గౌతమ్ మీనన్ ల సినిమా ప్రారంభమయ్యే అవకాశాలు ఉన్నాయి.
