స్టార్ హీరో విక్టరీ వెంకటేష్, దర్శకుడు అనిల్ రావిపూడి కాంబినేషన్లో తెరకెక్కిన లేటెస్ట్ మూవీ ‘సంక్రాంతికి వస్తున్నాం’ సంక్రాంతి కానుకగా రిలీజ్కు రెడీ అయ్యింది. ఈ సినిమాతో వెంకీ-అనిల్ రావిపూడి కాంబినేషన్ హ్యాట్రిక్ సక్సెస్ను అందుకునేందుకు ప్రయత్నిస్తున్నారు. ఇక ఈ సినిమా కంటెంట్ ప్రేక్షకులను ఆకట్టుకునే విధంగా ఉండబోతుందని ఇప్పటికే మేకర్స్ చెబుతున్నారు.
ఈ చిత్రంలోని ఫస్ట్ సింగిల్ సాంగ్ ‘గోదారి గట్టు’ని చిత్ర యూనిట్ తాజాగా రిలీజ్ చేసింది. ఈ పాట మెలోడీగా సాగడం.. రమణ గోగుల చాలా రోజుల తరువాత ఈ పాటను పాడటంతో ప్రేక్షకులు ఈ పాటకుు ఫిదా అవుతున్నారు. మంచి క్యాచీ ట్యూన్తో భీమ్స్ సిసిరోలియో ఈ పాటను కంపోజ్ చేయగా.. వెంకటేష్, ఐశ్వర్య రాజేష్ల జోడీ చక్కటి స్టె్ప్స్తో ఆకట్టుకున్నారు. ఇక ఈ పాటకు యూట్యూబ్లో ఏకంగా 4 మిలియన్ వ్యూస్ రావడంతో ట్రెండ్ అవుతోంది.
ఈ సినిమాలో మరో హీరోయిన్గా మీనాక్షి చౌదరి నటిస్తోంది. ఈ సినిమాను శ్రీ వెంకటేశ్వర క్రియేషన్స్ బ్యానర్పై శిరీష్, దిల్ రాజు ప్రొడ్యూ్స్ చేస్తున్నారు. జనవరి 14న ఈ చిత్రాన్ని గ్రాండ్గా రిలీజ్ చేసేందుకు మేకర్స్ రెడీ అవుతున్నారు.