టాలీవుడ్ మ్యాచో స్టార్ గోపీచంద్ త‌న‌దైన యాక్ష‌న్ చిత్రాల‌ను తెర‌కెక్కిస్తూ ప్రేక్ష‌కుల‌ను అల‌రిస్తూ వ‌స్తున్నాడు. గోపీచంద్ సినిమా వ‌చ్చిందంటే, ఖ‌చ్చితంగా మాస్ ఆడియెన్స్ థియేట‌ర్ల‌కు క్యూ క‌డ‌తారు. త‌న సినిమాల్లో మాస్ అంశాలు గ్యారెంటీ అనే నమ్మ‌కాన్ని క్రియేట్ చేశాడు గోపీచంద్. ఇక ఆయ‌న సినిమా రంగంలోకి ప్ర‌వేశించి 23 ఏళ్లు పూర్త‌య్యింది.
ఈ క్ర‌మంలో అభిమానుల‌కు, ప్రేక్ష‌కుల‌కు, సినీ జ‌ర్న‌లిస్టుల‌కు, ద‌ర్శ‌క‌నిర్మాత‌ల‌కు గోపీచంద్ కృత‌జ్ఞ‌త‌లు తెలియ‌జేశాడు. త‌న సోష‌ల్ మీడియా అకౌంట్ లో ఓ ఎమోష‌న‌ల్ పోస్ట్ చేశాడు ఈ హీరో. త‌న ఎదుగుద‌ల‌కు తోడ్ప‌డిన ప్ర‌తి ఒక్క‌రికీ గోపీచంద్ ధ్యాంక్స్ చెప్పుకొచ్చాడు.
ఇక ఈ హీరో త్వ‌ర‌లో ‘విశ్వం’ సినిమాతో ప్రేక్ష‌కుల ముందుకు రానున్నాడు. ఈ సినిమాను ద‌ర్శ‌కుడు శ్రీ‌ను వైట్ల తెర‌కెక్కిస్తుండ‌టంతో ఈ మూవీ బాక్సాఫీస్ ద‌గ్గ‌ర ఎలాంటి విజ‌యాన్ని అందుకుంటుందా అని అందరూ ఆస‌క్తిగా చూస్తున్నారు.
