మ్యాచో స్టార్ గోపీచంద్ హీరోగా నటిస్తున్న తాజా చిత్రం ‘విశ్వం’ ఇప్పటికే ప్రేక్షకుల్లో మంచి బజ్‌ని క్రియేట్ చేసింది. ఈ సినిమాను దర్శకుడు శ్రీను వైట్ల తెరకెక్కిస్తుండటంతో ఈ సినిమాపై పాజిటివ్ వైబ్స్ క్రియేట్ అయ్యాయి. దీనికితోడు ఇప్పటికే రిలీజ్ అయిన పోస్టర్స్, వీడియో గ్లింప్స్‌లు ఆకట్టుకునేలా ఉండటంతో ఈ సినిమా కోసం ప్రేక్షకులు ఎదురుచూస్తున్నారు. అయితే, తాజాగా ఈ సినిమా నుంచి టీజర్‌ను రిలీజ్ చేశారు మేకర్స్.
‘విశ్వం’ టీజర్‌ను మేకర్స్ కామెడీ యాక్షన్ ఎంటర్‌టైనర్‌గా కట్ చేశారు. ఈ టీజర్‌లో గోపీచంద్ తన యాక్షన్‌తో ప్రేక్షకులను ఆకట్టుకున్నాడు. ఇక వింటేజ్ శ్రీను వైట్ల మార్క్ కామెడీ మనకు ఈ టీజర్‌లో కనిపిస్తుంది. ఆయన నుంచి ఎలాంటి కామెడీ లైన్స్ వినాలని ప్రేక్షకులు చూస్తున్నారో, అవి ఈ టీజర్‌లో కనిపించాయి. ‘‘మీకు మార్షల్ ఆర్ట్స్ తెలుసా.. నాకు గీతా ఆర్ట్స్.. ఎన్టీఆర్ ఆర్ట్స్ తప్ప మరే ఆర్ట్స్ తెలియదు’’ వంటి కామెడీ పంచ్‌లు బాగా పేలాయి. ఇక ఈ సినిమాలో ‘వెంకీ’ మూవీ తరహా ట్రైన్ సీక్వెన్స్ కూడా ఉండబోతుందని ఈ టీజర్ చూస్తే స్పష్టమవుతోంది.
మొత్తంగా చూస్తే, ‘విశ్వం’ మూవీతో శ్రీను వైట్ల గట్టి కమ్ బ్యాక్ ఇవ్వాలని తీవ్రంగా ప్రయత్నిస్తున్నాడు. ఇక ఈ సినిమాలో అందాల భామ కావ్య థాపర్ హీరోయిన్‌గా నటిస్తుంది. ఈ సినిమాను పీపుల్ మీడియా ఫ్యాక్టరీ బ్యానర్‌పై టి.జి.విశ్వ ప్రసాద్ ప్రొడ్యూస్ చేస్తున్నారు. ‘విశ్వం’ సినిమాను అక్టోబర్ 11న గ్రాండ్ రిలీజ్ చేసేందుకు మేకర్స్ రెడీ అవుతున్నారు.
టీజర్ కోసం ఇక్కడ క్లిక్ చేయండి