రెబల్ స్టార్ ప్రభాస్ హీరోగా నటించిన భారీ హిట్ చిత్రం “కల్కి 2898 ఎడి” తర్వాత మరిన్ని భారీ చిత్రాలు తన నుంచి రానున్న సంగతి తెలిసిందే. మరి ఈ చిత్రాల్లో ఇంకా అధికారికంగా అనౌన్స్ కావాల్సి ఉన్న చిత్రం దర్శకుడు హను రాఘవపూడితో సినిమా కూడా ఒకటి. అయితే ఈ సినిమా పీరియాడిక్ బ్యాక్ డ్రాప్ లో ఒక ఫుల్ ఆన్ యాక్షన్ ఎంటర్టైనర్ లా ప్లాన్ చేస్తుండగా ఈ సినిమాపై ఇంట్రెస్టింగ్ బజ్ ఇప్పుడు వినిపిస్తుంది.
ఈ చిత్రంలో హీరోయిన్ గా అయితే హను తెలుగు సినిమాకి పరిచయం చేసిన సీత.. మృణాల్ ఠాకూర్ ఫిక్స్ అయ్యినట్టుగా స్ట్రాంగ్ బజ్ వినిపిస్తుంది. ఈమె పేరు దాదాపు ఖరారే అని రానున్న కొన్ని రోజుల్లో అనౌన్సమెంట్ సినిమా సంబంధించి అధికారికంగా ఉండొచ్చని తెలుస్తుంది. అలాగే ఈ సెప్టెంబర్ నుంచే సినిమా షూటింగ్ కూడా ప్రభాస్ మొదలు పెట్టనుండగా వచ్చే ఏడాదిలో సినిమా రిలీజ్ కానుంది.
మరి ఆదిపురుష్ లో రాముడిగా చేసిన ప్రభాస్ కోసం తన సీతారామం లో సీతగా చూపించిన మృణాల్ ఠాకూర్ ని దర్శకుడు ‘హను’ రాఘవపూడి ప్లాన్ చేయడం ఇంట్రెస్టింగ్ గా అనిపిస్తుందని చెప్పాలి. మరి ఈ ఆసక్తికర కలయిక ఎలాంటి ఫలితాన్ని అందుకుంటుందో చూడాలి.