ప్ర‌స్తుతం టాలీవుడ్ లో తెర‌కెక్క‌నున్న ప్రాజెక్టుల‌పై అభిమానుల్లో భారీ అంచ‌నాలు నెలకొన్నాయి. ఇంకా అఫీషియ‌ల్ గా ప‌ట్టాలెక్క‌ని ప్రాజెక్టుల‌పై కూడా రోజుకో వార్త సినీ స‌ర్కిల్స్ లో వినిపిస్తుండ‌టంటో ఆయా సినిమాల‌పై మ‌రింత హైప్ క్రియేట్ అయ్యేలా చేస్తున్నాయి. ఇలాంటి వాటిలో ప్ర‌భాస్-హ‌ను రాఘ‌వ‌పూడి ప్రాజెక్టు కూడా ఒక‌టి.

ఈ కాంబినేష‌న్ లో ఓ సినిమా రాబోతుంద‌నే వార్త‌తో టాలీవుడ్ లో ఒక్క‌సారిగా ఈ మూవీ హాట్ టాపిక్ గా మారింది. అయితే, క్లాస్ సినిమాల‌కు కేరాఫ్ గా ఉండే హ‌ను రాఘ‌వ‌పూడి ఈసారి ప్ర‌భాస్ ను ఇంకెంత క్లాస్ గా చూపించ‌బోతున్నాడో అని అంద‌రూ ఆస‌క్తిగా చూస్తున్నారు. కానీ, ఇప్పుడు ఈ సినిమాకు సంబంధించి మ‌రో వార్త సోష‌ల్ మీడియాలో తెగ చ‌క్క‌ర్లు కొడుతోంది. ఈ సినిమాలో ప్ర‌భాస్ ను కాస్త క్లాస్ ట‌చ్ ఇచ్చి పూర్తి మాస్ గా చూపెట్ట‌నున్నాడ‌ట ఈ డైరెక్ట‌ర్.

హ‌ను రాఘ‌వ‌పూడి లాంటి డైరెక్ట‌ర్ ప్ర‌భాస్ ను మాస్ లుక్ లో చూపెట్ట‌నున్నాడంటే, ఆయన తీయ‌బోయే సినిమా ఎలా ఉండ‌బోతుందా అనే ఆస‌క్తి అభిమానుల్లో ఎక్కువైంది. ఇక ఈ సినిమాకు ‘ఫౌజీ’ అనే టైటిల్ పెట్ట‌నున్నార‌ని.. ఈ సినిమాలో ప్ర‌భాస్ ఓ సైనికుడి పాత్ర‌లో న‌టిస్తాడ‌నే వార్తలు ఇప్ప‌టికే చ‌క్క‌ర్లు కొడుతున్నాయి. మ‌రి వీట‌న్నింటికీ స‌మాధానం దొర‌కాలంటే ఈ ప్రాజెక్ట్ ప‌ట్టాలెక్కే వ‌ర‌కు వెయిట్ చేయాల్సిందే.