మాస్ మహారాజ రవితేజ హీరోగా నటిస్తున్న లేటెస్ట్ మూవీ మిస్టర్ బచ్చన్ రిలీజ్ కి రెడీ అవుతోంది. దర్శకుడు హరీష్ శంకర్ దర్శకత్వంలో తెరకెక్కుతున్న ఈ చిత్రానికి మిక్కీ జే మేయర్ సంగీతం అందిస్తుండగా, భాగ్య శ్రీ బోర్సే హీరోయిన్ గా నటిస్తుంది. తాజాగా ఈ చిత్రానికి సంబంధించిన ఇంట్రెస్టింగ్ అప్డేట్ ను షేర్ చేశారు హరీష్ శంకర్. మిస్టర్ బచ్చన్ చివరి రోజు షూటింగ్ పూర్తి అయ్యింది అని, మీకు ఆగస్టు 14 న ప్రీమియర్ లను చూపించి, 15 వ తేదీన గ్రాండ్ గా విడుదల చేయడానికి సంతోషిస్తున్నాము అని అన్నారు.
ఈ చిత్రానికి తన పూర్తి మద్దతు అందించిన నిర్మాత టీజీ విశ్వ ప్రసాద్ కి రుణపడి ఉంటా అంటూ చెప్పుకొచ్చారు. అయితే ఈ పోస్ట్ కు జత చేసిన వీడియో ఆకట్టుకుంటుంది. సాంగ్ ర్యాంప్ ఉంటుంది తమ్ముళ్లు అంటూ ప్రొడక్షన్ హౌస్ పేర్కొంది. ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.
