మాస్ మహారాజ రవితేజ, దర్శకుడు హరీష్ శంకర్ కాంబినేషన్ లో వస్తున్న మిస్టర్ బచ్చన్ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. పీపుల్ మీడియా ఫ్యాక్టరీ బ్యానర్ పై టీజీ విశ్వ ప్రసాద్ నిర్మించిన ఈ చిత్రం లో భాగ్య శ్రీ బోర్సే హీరోయిన్ గా నటించింది. ఆగస్టు 15 వ తేదీన రిలీజ్ అవుతున్న ఈ చిత్రం, ప్రీమియర్ షోలతో 14 వ తేదీన ప్రేక్షకులను పలకరించనుంది. ఈ సందర్భంగా దర్శకుడు హరీష్ శంకర్ పలు ఆసక్తికర వ్యాఖ్యలు చేశారు.
రవితేజ నుంచి ప్రేక్షకులు ఆదరించే అంశాలతో మిస్టర్ బచ్చన్ ను రూపొందించాం. సెకండాఫ్ లో రవితేజ నటన చూస్తే ప్రేక్షకులకు కొత్త అనుభూతి కలుగుతుంది. రవితేజ స్టైల్ కి తగ్గట్లుగా కథను మార్చాం. మిస్టర్ బచ్చన్ రిపీట్ ఆడియెన్స్ ను ఆకట్టుకోవడం ఖాయం అని అన్నారు. మిక్కీ జే మేయర్ సంగీతం అందించిన ఈ చిత్రంలో జగపతి బాబు కీలక పాత్రలో కనిపించనున్నాడు.
