డాషింగ్ డైరెక్టర్ హరీష్ శంకర్ దర్శకత్వంలో, మాస్ మహారాజ రవితేజ (Raviteja) ప్రధాన పాత్రలో నటిస్తున్న లేటెస్ట్ మూవీ మిస్టర్ బచ్చన్ (Mr Bachchan). ఈ చిత్రం లో భాగ్యశ్రీ బోర్సే ఫీమేల్ లీడ్ రోల్ లో నటిస్తుండగా, టాలీవుడ్ సీనియర్ నటుడు జగపతి బాబు కీలక పాత్రలో నటిస్తున్నారు. డైరెక్టర్ హరీష్ శంకర్ తాజాగా సోషల్ మీడియా లో ఒక ఇంట్రెస్టింగ్ పోస్ట్ ను షేర్ చేశారు. మాస్ మహారాజ రవితేజ తీవ్రమైన మెడ నొప్పితో ఉన్నప్పటికీ సినిమా కోసం వర్క్ చేస్తున్నారు. రవితేజ డెడికేషన్ పట్ల హరీష్ శంకర్ షేర్ చేసిన ఫోటో సోషల్ మీడియాలో వైరల్ గా మారుతోంది.
ఈ చిత్రానికి మిక్కీ జే మేయర్ సంగీతం అందిస్తున్నారు. వివేక్ కూచిభొట్ల సహ నిర్మాతగా పీపుల్ మీడియా ఫ్యాక్టరీ పతాకంపై టీజీ విశ్వప్రసాద్ ఈ చిత్రాన్ని నిర్మిస్తున్నారు. వీలైనంత త్వరగా ప్రేక్షకుల ముందుకు ఈ చిత్రంను తీసుకు వచ్చేందుకు మేకర్స్ సన్నాహాలు చేస్తున్నారు. ఈ చిత్రంపై ప్రేక్షకుల్లో, అభిమానుల్లో ఆసక్తి నెలకొంది.