టాలీవుడ్ డైరెక్టర్ హరీష్ శంకర్ దర్శకత్వంలో, మాస్ మహారాజ రవితేజ ప్రధాన పాత్రలో నటిస్తున్న లేటెస్ట్ మూవీ మిస్టర్ బచ్చన్ (Mr Bachchan). భాగ్యశ్రీ బోర్సే ఫీమేల్ లీడ్ రోల్ లో నటిస్తుండగా, టాలీవుడ్ సీనియర్ నటుడు జగపతి బాబు ఇందులో కీలక పాత్రలో నటిస్తున్నారు. ఈ చిత్రం నుండి ఫస్ట్ సింగిల్ సితార్ సాంగ్ ను జూలై 10 వ తేదీన రిలీజ్ కానుంది. ఈ పాటకి సంబంధించిన ప్రోమోను రిలీజ్ చేయగా, మంచి రెస్పాన్స్ వచ్చింది. పూర్తి పాట కోసం ఆడియెన్స్ ఎంతగానో ఎదురు చూస్తున్నారు.
అయితే గొప్ప రైటర్ అయిన సాహితీ తో వర్క్ చేయడం చాలా గౌరవంగా, వినయంగా ఉందని డైరెక్టర్ హరీష్ శంకర్ పేర్కొన్నారు. వీరిద్దరూ సాంగ్ కోసం వర్క్ చేస్తున్న వీడియోను ఒకటి సోషల్ మీడియాలో షేర్ చేశారు. ఈ వీడియోకు మంచి రెస్పాన్స్ వస్తోంది. వివేక్ కూచిభొట్ల సహ నిర్మాతగా పీపుల్ మీడియా ఫ్యాక్టరీ పతాకంపై టీజీ విశ్వప్రసాద్ నిర్మిస్తున్న ఈ చిత్రానికి మిక్కీ జే మేయర్ సంగీతం అందిస్తున్నారు. ఈ చిత్రంకి సంబందించిన మరిన్ని వివరాలు త్వరలో వెల్లడి కానున్నాయి.
