మాస్ రాజా ర‌వితేజ‌, క్రేజీ డైరెక్ట‌ర్ హ‌రీష్ శంక‌ర్ కాంబినేష‌న్ లో తెర‌కెక్కిన ”మిస్ట‌ర్ బ‌చ్చ‌న్” ఆగస్టు 15న రిలీజ్ కు రెడీ అయ్యింది. ఈ సినిమాతో బాక్సాఫీస్ ద‌గ్గ‌ర మరోసారి బ్లాక్ బ‌స్ట‌ర్ హిట్ అందుకోవాల‌ని ఈ ఇద్ద‌రూ సిద్ధ‌మ‌వుతున్నారు. కాగా, ఈ చిత్ర ప్ర‌మోష‌న్స్ ను వేగ‌వంతం చేశారు చిత్ర యూనిట్.

ఇందులో భాగంగా మిస్ట‌ర్ బ‌చ్చ‌న్ డైరెక్ట‌ర్ హ‌రీష్ శంక‌ర్ ఓ రియాలిటీ షోలో గెస్ట్ గా రాబోతున్నారు. ప్ర‌ముఖ ఓటీటీ ప్లాట్ ఫామ్ ఆహాలో ప్ర‌సారం అవుతున్న తెలుగు ఇండియ‌న్ ఐడ‌ల్ సీజ‌న్-3లో ఈవారం గెస్టుగా హ‌రీష్ సంద‌డి చేయ‌బోతున్నారు. దీనికి సంబంధించిన ఫోటోల‌ను ఆహా నిర్వాహ‌కులు నెట్టింట పోస్ట్ చేశారు.

దీంతో ఈ వీకెండ్ మిస్ట‌ర్ బ‌చ్చ‌న్ సంద‌డితో పాటు కంటెస్టెంట్స్ పాడే పాట‌లు వింటూ ఆడియెన్స్ ఎంజాయ్ చేయ‌వ‌చ్చ‌ని షో నిర్వాహ‌కులు తెలిపారు. ఇక మిస్ట‌ర్ బ‌చ్చ‌న్ సినిమాలో అందాల భామ భాగ్య‌శ్రీ బొర్సె హీరోయిన్ గా న‌టిస్తోండ‌గా పీపుల్ మీడియా ఫ్యాక్ట‌రీ బ్యాన‌ర్ పై టిజి.విశ్వ‌ప్ర‌సాద్ ఈ చిత్రాన్ని ప్రొడ్యూస్ చేస్తున్నారు.