టాలీవుడ్ యంగ్ హీరో సుధీర్ బాబు చివరిసారిగా హరోం హర చిత్రంలో కనిపించారు. థియేటర్లలో రిలీజ్ అయిన ఈ చిత్రం బాక్సాఫీస్ వద్ద ఆశించిన ఫలితాన్ని అందుకోలేదు. అయితే డిజిటల్ ప్రీమియర్ గా మాత్రం సాలిడ్ రెస్పాన్స్ తో దూసుకు పోతుంది. ప్రముఖ ఓటిటి ప్లాట్ ఫామ్ అయిన అమేజాన్ ప్రైమ్ వీడియో లో ఈ చిత్రం స్ట్రీమింగ్ కి అందుబాటులో ఉన్న సంగతి అందరికీ తెలిసిందే.
ప్రైమ్ వీడియోలో 120 మిలియన్ స్ట్రీమింగ్ మినిట్స్ కి పైగా వ్యూస్ ను సొంతం చేసుకుంది హరోం హర. మాళవిక శర్మ, సునీల్ కీలక పాత్రల్లో నటించిన ఈ చిత్రానికి జ్ఞానసాగర్ ద్వారక దర్శకత్వం వహించారు. శ్రీ సుబ్రహ్మణ్యేశ్వర సినిమాస్ పతాకంపై సుమంత్ జీ. నాయుడు నిర్మించిన ఈ చిత్రానికి ఛైతన్ భరద్వాజ్ సంగీతం అందించారు.