మంచు విష్ణు హీరోగా నటిస్తున్న లేటెస్ట్ భారీ పాన్ ఇండియా చిత్రం “కన్నప్ప”. ఈ చిత్రం కోసం విష్ణు కఠినంగా కష్టపడుతున్నాడు. పైగా ఈ సినిమాలో ప్రభాస్, అక్షయ్ కుమార్, మోహన్ లాల్ లాంటి స్టార్లు కూడా నటిస్తున్నారు. ఐతే, ఈ సినిమా నుంచి ప్రభాస్ లుక్ లీక్ అయింది. ఈ లీక్ చేసిన వ్యక్తి గురించి చెబితే వారికి 5 లక్షల రూపాయల బహుమానం కూడా అందిస్తామని చిత్రబృందం ఆఫర్ చేసింది. మొత్తానికి ‘కన్నప్ప’ సినిమాలో ప్రభాస్ ఫొటోను లీక్ చేసిన వ్యక్తిని గుర్తించామని తాజాగా చిత్ర బృందం స్పష్టం చేసింది.
ప్రభాస్ ఫొటోను లీక్ చేసిన వ్యక్తి దీనిపై వివరణ ఇచ్చాడు. తాను ప్రభాస్ ఫొటోను స్నేహితులకు షేర్ చేయగా, వాళ్లు సోషల్ మీడియాలో పోస్ట్ చేసినట్లు అతడు చెప్పిన వీడియోను షేర్ చేసింది టీమ్. కాగా ఈ ఘటనపై విచారణ కొనసాగుతుందని, బాధ్యులపై చట్టపరమైన చర్యలు తీసుకుంటామని మూవీ టీమ్ క్లారిటీ ఇచ్చింది. ప్రీతి ముకుందన్ ఈ సినిమాలో కథానాయికగా నటిస్తోంది. ఈ ఫాంటసీ యాక్షన్ డ్రామాకి మహా భారత్ సీరియల్‌ని డైరెక్ట్ చేసిన ముఖేష్ కుమార్ సింగ్ దర్శకత్వం వహిస్తున్నారు. 24 ఫ్రేమ్స్ ఫ్యాక్టరీ, ఏవీఏ ఎంటర్‌టైన్‌మెంట్ బ్యానర్లపై మోహన్ బాబు ఈ చిత్రాన్ని నిర్మిస్తున్నారు.
Om Namah Shivaya!
We extend our heartfelt gratitude to each one of you for your unwavering support and dedication during this recent challenge. Thanks to your constant vigilance and commitment, we are pleased to inform you that the individual & Company responsible for leaking… pic.twitter.com/DiZoWzYaF3
— Kannappa The Movie (@kannappamovie) November 9, 2024