న్యాచురల్ స్టార్ నాని ప్రొడక్షన్ హౌస్ వాల్ పోస్టర్ సినిమా బ్యానర్‌పై తెరకెక్కిన మూవీ ‘కోర్ట్’- స్టేట్ వర్సెస్ ఎ నోబడీ’. ఈ సినిమాకి ప్రేక్షకులు బ్రహ్మరథం పడుతూనే ఉన్నారు. 10వ రోజు మంచి వసూళ్లు రాబట్టడం విశేషం. పైగా ఈ మధ్య కాలంలో చిన్న సినిమాల్లోనే.. అత్యంత లాభదాయక చిత్రంగా ఈ సినిమా నిలబడటం మరో విశేషం. మొత్తమ్మీద 10 రోజులు రన్ ని కంప్లీట్ చేసుకొని ఈ చిత్రం భారీ వసూళ్లు అందుకుంది. రెండు తెలుగు రాష్ట్రాల్లో కూడా సాలిడ్ కలెక్షన్స్ అందుకుంటుంది.
ప్రపంచవ్యాప్తంగా 10 రోజుల్లో రూ.50.80 కోట్లు వసూలు చేసింది. ముఖ్యంగా 10వ రోజు గ్రాస్ రూ. 4.00 కోట్ల కలెక్షన్లు వసూలు చేసింది. మొత్తానికి ఈ సినిమా థియేటర్లలో విడుదలై 10 రోజులు అవుతున్నా, ఈ చిత్రం బాక్సాఫీస్ వద్ద మంచి కలెక్షన్లు రాబడుతోంది. ఈ సినిమాలో ప్రియదర్శి, హర్ష్ రోషన్, శ్రీదేవి, శివాజీ, సాయి కుమార్, రోహిణి తదితరులు ముఖ్య పాత్రల్లో నటించారు. ఈ చిత్రాన్ని రామ్ జగదీష్ దర్శకత్వం వహించారు. ప్రశాంతి తిపిర్నేని నిర్మించారు.