మీరు ఎప్పటికీ మా మెగాస్టార్ సార్ – నాని

నేచురల్ స్టార్ నాని హీరోగా డైరెక్టర్ శ్రీకాంత్ ఓదెల దర్శకత్వం లో తెరకెక్కిన రా అండ్ విలేజ్ యాక్షన్ డ్రామా దసరా. ఈ చిత్రం థియేటర్ల లో విడుదల అయ్యి ప్రేక్షకులను, అభిమానులను విశేషంగా ఆకట్టుకుంటుంది. బాక్సాఫీస్ వద్ద మంచి వసూళ్లను రాబడుతోన్న ఈ చిత్రం పై ఇప్పటికే పలువురు సినీ ప్రముఖులు ప్రశంసల వర్షం కురిపించారు. తాజాగా ఆ లిస్ట్ లోకి మెగాస్టార్ చిరంజీవి చేరిపోయారు. మెగాస్టార్ సినిమా పై, మరియు డైరెక్టర్ శ్రీకాంత్ ఓదెల, హీరో నాని, కీర్తి సురేష్ ల పై ప్రశంసల వర్షం కురిపించారు.

చిరు ప్రశంసల పై హీరో నాని రెస్పాండ్ అయ్యారు. మీరు ఎప్పటికీ మా మెగాస్టార్ సార్ అని అన్నారు. కేవలం తెర పైన మాత్రమే కాదు. మీరు ఎల్లప్పుడూ సినిమా కోసం, అందులో ఉన్న ప్రతి ఒక్కరికీ అండగా ఉంటారు అని అన్నారు. నాని చేసిన ట్వీట్ సోషల్ మీడియాలో వైరల్ అవుతోంది.