నాచురల్ స్టార్ నాని హీరోగా, డైరెక్టర్ వివేక్ ఆత్రేయ దర్శకత్వంలో తెరకెక్కుతున్న యాక్షన్ ఎంటర్టైనర్ సరిపోదా శనివారం. ఆగస్ట్ 29, 2024న థియేటర్లలో రిలీజ్ కాబోతున్న ఈ చిత్రం పై ప్రేక్షకుల్లో, అభిమానుల్లో ఆసక్తి నెలకొంది. రిలీజ్ డేట్ దగ్గర పడుతుండటంతో మేకర్స్ ప్రమోషన్స్ ను వేగవంతం చేయడం జరిగింది. ఇప్పటికే రిలీజైన ప్రచార చిత్రాలకి మంచి రెస్పాన్స్ వచ్చింది. తాజాగా ఈ చిత్రం నుండి టీజర్ ను రిలీజ్ చేయనున్నట్లు మేకర్స్ ప్రకటించారు.
తాజాగా హీరో నాని సోషల్ మీడియాలో ఒక వీడియోను రిలీజ్ చేశారు. అద్దిరింది టీజర్ అంటూ చెప్పుకొచ్చారు. అయితే నాట్ ఎ టీజర్ అంటూ అవతలి వ్యక్తి వాయిస్ అందులో వినపడింది. మాస్ ఆడియెన్స్ ను క్లాస్ ఆడియెన్స్ ను హీరో నాని అలరించడానికి రెడీ అవుతున్నారు. రేపు ఉదయం 11:07 గంటలకి గ్లింప్స్ రిలీజ్ కానుంది. ప్రియాంక అరుల్ మోహన్ ఫిమేల్ లీడ్ రోల్ లో నటిస్తున్న ఈ చిత్రంలో SJ సూర్య కీలక పాత్రలో కనిపించనున్నాడు. డీవీవీ ఎంటర్టైన్మెంట్‌ పై నిర్మిస్తున్న ఈ చిత్రానికి జేక్స్ బిజోయ్ సంగీతం అందిస్తున్నారు. ఈ చిత్రంకు సంబందించిన మరిన్ని వివరాలు త్వరలో వెల్లడి కానున్నాయి.
Tomorrow #NotATeaser #SaripodhaaSanivaaram pic.twitter.com/haVbVQRZ8Z
— Nani (@NameisNani) July 19, 2024