నాచురల్ స్టార్ నాని ప్రధాన పాత్రలో, డైరెక్టర్ శౌర్యువ్ దర్శకత్వం లో తెరకెక్కిన చిత్రం హాయ్ నాన్న. ఈ చిత్రం థియేటర్ల లో రిలీజ్ అయ్యి ప్రేక్షకులను, అభిమానులని విశేషం గా ఆకట్టుకుంది. ఈ చిత్రం ఇటీవల వరల్డ్ టెలివిజన్ ప్రీమియర్ గా బుల్లితెర ప్రేక్షకుల ముందుకు వచ్చిన సంగతి తెలిసిందే. ప్రముఖ టీవీ ఛానల్ అయిన జెమిని టీవీ లో ఈ చిత్రం ఇటీవల ప్రసారం కాగా, అందుకు సంబందించిన టీఆర్పీ రేటింగ్ తాజాగా వెలువడింది.
ఈ చిత్రం బుల్లితెర పై డీసెంట్ టీఆర్పీ రేటింగ్ ను రాబట్టడం జరిగింది. 4.45 టీఆర్పీ రేటింగ్ ను రాబట్టింది. మృణాల్ ఠాకూర్ హీరోయిన్ గా నటించిన ఈ చిత్రం లో బేబీ కియారా కీలక పాత్రలో నటించింది. ఈ చిత్రానికి హేషం అబ్ధుల్ వహాబ్ సంగీతం అందించారు. హీరో నాని తదుపరి సరిపోదా శనివారం చిత్రం లో కనిపించనున్నారు.
