ఈ ఏడాది తెలుగు సినిమాలో మంచి హైప్ తో వచ్చి ఆ హైప్ కు మించి వసూళ్లు రాబట్టిన అతి కొద్ది చిత్రాల్లో “జాతి రత్నాలు” కూడా ఒకటి. టాలెంటెడ్ హీరో నవీన్ పొలిశెట్టి హీరోగా ఫరియా అబ్దుల్లా హీరోయిన్ గా అనుదీప్ దర్శకత్వంలో తెరకెక్కిన ఈ చిత్రం భారీ వసూళ్లతో డబుల్ ట్రిపుల్ బ్లాక్ బస్టర్ హిట్ గా నిలిచింది.
అయితే సిల్వర్ స్క్రీన్ మీద మాంచి మ్యాజిక్ చేసిన ఈ చిత్రం తాలూకా స్ట్రీమింగ్ హక్కులను దిగ్గజ స్ట్రీమింగ్ సంస్థ అమెజాన్ ప్రైమ్ వారు దక్కించుకున్నట్టుగా టాక్ వస్తుంది. మరి ఇదిలా ఉండగా ఈ చిత్రం ఎప్పుడు స్ట్రీమింగ్ కు అందుబాటులోకి రానుందో కూడా బజ్ వినిపిస్తుంది.
ఈ ఫన్నీ ఎంటర్టైనర్ వచ్చే ఏప్రిల్ 10వ తారీఖు నుంచి అమెజాన్ ప్రైమ్ వీడియోలో స్ట్రీమింగ్ కు రానుందట. మరి దీనిపై అధికారిక క్లారిటీ రావాల్సి ఉంది. ఇక ఈ చిత్రంలో ప్రియదర్శి మరియు రాహుల్ రామకృష్ణలు మరో కీలక పాత్రల్లో నటించగా ప్రభాస్ దర్శకుడు నాగ్ అశ్విన్ నిర్మాణం వహించారు.
