కోలీవుడ్ స్టార్ నటుడు ధనుష్ ఇటీవల నటించిన సార్ సినిమా తమిళం, తెలుగు భాషల్లో విడుదలై మంచి విజయాన్ని అందుకుంది. యువ దర్శకుడు వెంకీ అట్లూరి దర్శకత్వం వహించిన ఈ సినిమాలో సంయుక్త కథానాయికగా నటించింది. ఈ సినిమా ఇప్పటికే వివిధ ఓటిటి ప్లాట్‌ఫారమ్‌లలో అందుబాటులో ఉంది మరియు ఇటీవలే దాని టెలివిజన్ ప్రీమియర్‌ను కూడా ప్రసారం చేసారు.
అయితే మ్యాటర్ ఏమిటంటే, ఈ సినిమా యొక్క హిందీ వెర్షన్ జూన్ 25, 2023 న రాత్రి 8 గంటలకు గోల్డ్‌మైన్స్ టీవీ ఛానెల్‌లో వరల్డ్ టెలివిజన్ ప్రీమియర్‌ను ప్రసారం చేయనున్నారు. కాగా ఈ ప్రీమియర్ కి సంబంధించి అధికారిక ప్రోమో కూడా విడుదలైంది. సూర్యదేవర నాగవంశీ, సాయి సౌజన్య నిర్మాతలుగా వ్యవహరించిన ఈ సినిమాని సితార ఎంటర్‌టైన్‌మెంట్స్ మరియు ఫార్చూన్ ఫోర్ సినిమాస్ గ్రాండ్ గా నిర్మించాయి. సముద్రఖని, సాయి కుమార్, తనికెళ్ల భరణి, నర్రా శ్రీనివాస్, హైపర్ ఆది మరియు ఆడుకలం నరేన్ తదితరులు ముఖ్య పాత్రలు పోషించిన ఈ సినిమాకి జివి ప్రకాష్ కుమార్ సంగీతం అందించారు.
