ఆర్టీసీ క్రాస్ రోడ్స్‌లో ‘మాస్’ కటౌట్..!

కింగ్ అక్కినేని నాగార్జున నటించిన ‘మాస్’ చిత్రం రీ-రిలీజ్‌కి సిద్ధమైన సంగతి తెలిసిందే. నాగ్ కెరీర్‌లో మంచి బ్లాక్‌బస్టర్ హిట్ చిత్రంగా ‘మాస్’ నిలవగా, ఆయన పుట్టినరోజు కానుకగా మాస్ చిత్రాన్ని రీ-రిలీజ్ చేస్తున్నారు. ఇక ఈ సినిమా కోసం అభిమానులు మరోసారి ఆసక్తిగా ఎదురుచూడటం విశేషం.

అయితే, మాస్ సినిమాపై సోషల్ మీడియాలో అభిమానులు మంచి అంచనాలను క్రియేట్ అయినట్లుగా చెబుతున్నారు. ఈ క్రమంలోనే మాస్ చిత్ర మేకర్స్ కూడా ఈ సినిమాను మంచి క్వాలిటీతో, అదిరిపోయే సౌండ్‌తో రీ-రిలీజ్ చేసేందుకు కసరత్తులు చేస్తున్నారు. ఇక ఈ సినిమా కోసం ఆర్టీసీ క్రాస్ రోడ్స్ ముస్తాబయ్యింది. ‘మాస్’ చిత్రంలోని నాగార్జునకు సంబంధించిన భారీ కటౌట్ అక్కడ వెలిసింది.

ఈ మధ్యకాలంలో సీనియర్ హీరోలకు సంబంధించి ఇది బెస్ట్ కటౌట్ అని అభిమానులు నెట్టింట ప్రశంసలు కురిపిస్తున్నారు. ఇక ఈ సినిమాను ఆగస్టు 28న రీ-రిలీజ్ చేస్తుండటంతో ఈ చిత్రానికి అభిమానులు ఎలాంటి సందడి చేస్తారో చూడాలి.