తమిళ స్టార్ హీరో విజయ్ నటిస్తున్న తాజా చిత్రం ‘ది గోట్’ ఇప్పటికే ప్రేక్షకుల్లో భారీ అంచనాలను క్రియేట్ చేసింది. ఈ సినిమాను దర్శకుడు వెంకట్ ప్రభు డైరెక్ట్ చేయగా, పూర్తి యాక్షన్ ఎంటర్‌టైనర్‌గా ఈ మూవీ రానుంది. ఇక ఈ చిత్ర టీజర్, ట్రైలర్లకు మాసివ్ రెస్పాన్స్ దక్కడంతో ఈ సినిమా ఎలాంటి సెన్సేషన్ క్రియేట్ చేస్తుందా అని అందరూ ఆసక్తిగా చూస్తున్నారు.
కాగా, ఈ చిత్రానికి తెలుగునాట కూడా మంచి క్రేజ్ నెలకొంది. ఈ చిత్రానికి సంబంధించి ఏపీ, సీడెడ్, నైజాం హక్కులు మొత్తం రూ.23 కోట్లుగా ఉన్నట్లు సమాచారం. ఈ సినిమాను తెలుగునాట మైత్రీ మూవీస్ వారు రిలీజ్ చేస్తున్నారు. తెలుగు రాష్ట్రాల్లో ఈ సినిమాను తెలుగుతో పాటు తమిళ్‌లోనూ రిలీజ్ చేస్తున్నారు.
విజయ్ డ్యుయెల్ రోల్‌లో నటిస్తున్న ఈ సినిమాలో స్నేహ, మీనాక్షి చౌదరి, మాళ్విక శర్మ, ప్రశాంత్, ప్రభుదేవా తదితరులు ఇతర ముఖ్య పాత్రల్లో నటిస్తున్నారు. ఈ చిత్రానికి యువన్ శంకర్ రాజా సంగీతం అందిస్తున్నారు.