పాన్ ఇండియా స్టార్ ప్రభాస్ నటించిన లాస్ట్ మూవీ ‘కల్కి 2898 AD’ బాక్సాఫీస్ దగ్గర ఎలాంటి సెన్సేషన్ క్రియేట్ చేసిందో మనం చూశాం. దర్శకుడు నాగ్ అశ్విన్ డైరెక్ట్ చేసిన సై ఫై మూవీలో ప్రభాస్ పర్ఫార్మెన్స్ టెర్రిఫిక్‌గా ఉండటంతో ఈ సినిమాకు ప్రేక్షకులు బ్రహ్మరథం పట్టారు. ఇక ఈ సినిమా వరల్డ్‌వైడ్‌గా ఏకంగా రూ.1100 కోట్లకు పైగా వసూళ్లు రాబట్టి సెన్సేషన్ క్రియేట్ చేసింది.

ఈ సినిమాకు ఇండియన్ ఫ్యాన్స్‌తో పాటు ఓవర్సీస్ ఆడియెన్స్ కూడా ఫిదా అయ్యారు. ‘కల్కి 2898 AD’ చిత్రానికి ఓవర్సీస్‌లోనూ సాలిడ్ రెస్పాన్స్ రావడంతో, అక్కడ పలు కొత్త రికార్డులను క్రియేట్ చేసింది ఈ మూవీ. ఇక తాజాగా ఈ చిత్రాన్ని బుసాన్ ఫిలిం ఫెస్టివల్ 2024లో ప్రదర్శించారు. ఈ సినిమాకు అక్కడి ఆడియెన్స్ మంత్రముగ్ధులయ్యారు. ఈ సినిమాను చూసి వారు పూర్తిగా ఎంజాయ్ చేయడంతో, వారు సాలిడ్ రెస్పాన్స్ ఇచ్చారు.

ఇలా ‘కల్కి 2898 AD’ మూవీ ఇంకా ఏదో ఒక చోట సందడి చేస్తుండటంతో ప్రభాస్ ఫ్యాన్స్ సంతోషం వ్యక్తం చేస్తున్నారు. ఈ సినిమాకు సంతోష్ నారాయణన్ సంగీతం అందించగా, వైజయంతి మూవీస్ బ్యానర్‌పై అశ్వనీదత్ ప్రొడ్యూస్ చేశారు.