‘జ‌బ‌ర్ద‌స్త్’ కామెడీ షో ఎంతో మందికి లైఫ్ ఇచ్చింది. ఇక్క‌డ కామెడీ స్కిట్స్ చేస్తూ వెండితెర‌పై త‌మ అదృష్టాన్ని పరీక్షించుకున్న వారు చాలామంది స‌క్సెస్ అయ్యారు. వారిలో హైపర్ ఆది కూడా ఒక‌రు. త‌న‌దైన పంచుల‌తో, కామెడీ స్కిట్స్ తో బుల్లితెర ప్రేక్ష‌కుల‌ను అల‌రించిన ఆది, వెండితెర‌పై కూడా త‌న పంచుల‌తో హాస్యాన్ని పండిస్తున్నాడు.
ఇక హైపర్ ఆది ప్ర‌స్తుతం టాలీవుడ్ లో మోస్ట్ వాంటెడ్ కమెడియ‌న్ గా మారాడు. ఆయ‌న చేసే కామెడీకి ప్ర‌త్యేక ఫ్యాన్ బేస్ ఉంది. అయితే, ఆయ‌న ప‌వ‌ర్ స్టార్ పవన్ కళ్యాణ్ అంటే ఎంతో ఇష్ట‌ప‌డుతారు. ఆయ‌న‌కు పవన్ అంటే ఎంత ఇష్ట‌మో మ‌నం చాలా సంద‌ర్భాల్లో చూశాం. ఇటీవ‌ల ఏపీ ఎన్నిక‌ల్లో పవన్ కళ్యాణ్ కోసం రాజకీయ ప్ర‌చారం కూడా చేశారు. అయితే, తాజాగా ఆయ‌న ఇచ్చిన ఇంట‌ర్వ్యూలో పవన్ కళ్యాణ్ నామ‌జపంతో అభిమానుల‌ను అల‌రించాడు.
పవన్ కళ్యాణ్ కి సంబంధించిన ప్ర‌తి ప్ర‌శ్న‌కు త‌న‌దైన రీతిలో ఆది త‌న అభిమానాన్ని చాటుకున్నాడు. 2024లో బెస్ట్ మూమెంట్ ఏమిట‌ని ఆదిని అడ‌గ్గా.. ”శ్రీ కొణిదెల పవన్ కళ్యాణ్ అనే నేను..” అనే మూమెంట్ త‌న‌కు బెస్ట్ మూమెంట్ అని చెప్పి మ‌రోసారి పవన్ పై త‌న అభిమానాన్ని చాటుకున్నాడు. మ‌రి పవన్ కళ్యాణ్ కి సంబంధించిన హైపర్ ఆది ఎలాంటి విష‌యాల‌ను పంచుకున్నాడో ఈ కింది వీడియోలో చూడండి.
