భారీ బడ్జెట్ చిత్రాలతో ఇప్పుడు క్షణం తీరిక లేకుండా ఉంటున్నారు ప్రముఖ హాస్య నటుడు రాజేంద్ర ప్రసాద్. ఈ మధ్యే మొగుడు సినిమాలో ఆయన అలరించారు. అంతా ఎంతో ఆత్రంగా ఎదురుచూస్తోన్న అల్లు అర్జున్ – త్రివిక్రమ్ శ్రీనివాస్ కాంబినేషన్ లో వస్తోన్న చిత్రం లోనూ, మరో భారీ చిత్రం ‘నిప్పు’ లోనూ ఆయన తన ప్రతిభ నిరూపించానున్నారు.
అంతేకాదు, ‘డ్రీం’ అనే మరో చిత్రంలో రాజేంద్ర ప్రసాద్, రిటైర్డ్ ఆర్మీ మేజర్ గా విభిన్న పాత్రను పోషించబోతున్నారు. ఈ చిత్రానికి భవాని శంకర్ దర్శకత్వం వహిస్తున్నారు. ఈ సినిమా షూటింగ్ ఇటీవల వైజాగ్ లో జరిగింది. ఈ పాత్ర తన 35 ఏళ్ల సినీ జీవితం లో కలికితురాయిగా నిలుస్తుందని రాజేంద్ర ప్రసాద్ చెబుతున్నారు. ఈ సినిమా లో పావని హీరోయిన్ గా నటిస్తుంది. రవి కుమార్ సినిమాటోగ్రాఫర్.
