మెగాస్టార్ చిరంజీవి ప్రధాన పాత్రలో, బీ. గోపాల్ దర్శకత్వంలో తెరకెక్కిన యాక్షన్ డ్రామా ఇంద్ర. 2002 లో థియేటర్ల లో రిలీజ్ అయిన ఈ సినిమా ప్రేక్షకులను, అభిమానులని బాగా ఆకట్టుకుంది. బాక్సాఫీస్ వద్ద బ్లాక్ బస్టర్ గా నిలిచింది. ఎన్నో రికార్డులను క్రియేట్ చేసిన ఈ చిత్రం మెగాస్టార్ చిరంజీవి పుట్టిన రోజు శుభాకాంక్షలు రీ-రిలీజ్ కి రెడీ అయిపోయింది.
తెలుగు సినీ పరిశ్రమలో రీ-రిలీజ్ ట్రెండ్ కొనసాగుతుంది. గతంలో మంచి విజయాలు సాధించిన చిత్రాలు మళ్ళీ రిలీజ్ అవుతుండటంతో అభిమానులు కూడా థియేటర్ల కి భారీగా వస్తున్నారు. ఇప్పుడు ఇంద్ర చిత్రం మళ్ళీ థియేటర్లలోకి రావడం కన్ఫర్మ్ కావడంతో, మేకర్స్ కూడా అడ్వాన్స్ బుకింగ్స్ ను ప్రారంభించారు. బుకింగ్స్ కి సూపర్ రెస్పాన్స్ వస్తోంది. చాలా చోట్ల షోలు పూర్తిగా అమ్ముడు పోయాయి. కొన్ని షోలు వేగంగా ఫిల్ అవుతున్నాయి. మెగాస్టార్ చిరంజీవి బర్త్ డే ను గ్రాండ్ గా సెలబ్రేట్ చేసుకోవాలని ఫ్యాన్స్ ఫిక్స్ అయిపోయారు.
వైజయంతి మూవీస్ బ్యానర్ పై అశ్వనీ దత్ నిర్మించిన ఈ చిత్రంలో ఆర్తి అగర్వాల్, సోనాలి బింద్రే, ప్రకాష్ రాజ్, ముఖేష్ రిషి, శివాజీ తదితరులు కీలక పాత్రల్లో నటించారు. మెలోడీ బ్రహ్మ మణిశర్మ అధ్బుతమైన సంగీతం అందించారు.