టాలీవుడ్ హీరోలు బెల్లంకొండ శ్రీనివాస్, నారా రోహిత్, మంచు మనోజ్ కలిసి నటిస్తున్న మల్టీస్టారర్ మూవీ ‘భైరవం’ నుండి రోజుకో అప్డేట్ వస్తుండటంతో ప్రేక్షకుల్లో ఈ సినిమాపై మంచి బజ్ క్రియేట్ అవుతోంది. ఈ సినిమా నుండి పోస్టర్స్, షూటింగ్ అప్డేట్స్ అంటూ సోషల్ మీడియాలో ‘భైరవం’ సందడి చేస్తూ వస్తోంది. ఇక ఈ మూవీలోని ఇంటెన్స్ క్యారెక్టర్స్‌ను పరిచయం చేసేందుకు చిత్ర యూనిట్ రెడీ అయ్యింది.
ఇప్పటికే ఈ సినిమాలోని లీడ్ పాత్రలు సంబంధించిన పరిచయం చేశారు చిత్ర యూనిట్. అయితే, ఈ సినిమాలో కీలకంగా ఉండే మరికొన్న ఇంటెన్స్ పాత్రలను రేపటి నుండి పరిచయం చేస్తున్నట్లు మేకర్స్ తాజాగా వెల్లడించారు. ఈ సినిమాలో భారీ క్యాస్టింగ్ నటిస్తోంది. ఈ చిత్రాన్ని దర్శకుడు విజయ్ కనకమేడల పూర్తి యాక్షన్ ఎంటర్‌టైనర్‌గా తెరకెక్కిస్తున్నాడు.
ఈ సినిమాలో అదితి శంకర్, ఆనంది హీరోయిన్లుగా నటిస్తన్నట్లు ఇప్పటికే వెల్లడించారు. ఇక ఈ సినిమాకు శ్రీచరణ్ పాకాల సంగీతం అందిస్తుండగా కెకె రాధామోహన్ భారీ బడ్జెట్‌తో ప్రొడ్యూస్ చేస్తున్నారు.
