ఇప్పుడు ఇండియన్ సినిమా దగ్గర ఎంతో ఆసక్తి రేపిన భారీ పాన్ ఇండియా చిత్రం “కల్కి 2898 ఎడి”. రెబల్ స్టార్ ప్రభాస్ హీరోగా దర్శకుడు నాగ్ అశ్విన్ కాంబినేషన్ లో ప్లాన్ చేసిన ఈ బిగ్గెస్ట్ సైన్స్ ఫిక్షన్ కం ఫాంటసీ డ్రామా నుంచి నిన్ననే ఓటీటీలో ఇంట్రెస్టింగ్ ప్రీల్యుడ్ రిలీజ్ అయ్యింది. అయితే ఈ ప్రీల్యుడ్ ని మేకర్స్ తెలుగు సహా ఇంటర్నేషనల్ ఆడియెన్స్ కి రీచ్ అయ్యే విధంగా ఇంగ్లీష్ లో కూడా రిలీజ్ చేశారు.
అయితే ఈ ఇంగ్లీష్ వెర్షన్ లో తన పాత్రకు తానే హాస్య బ్రహ్మ బ్రహ్మానందం డబ్బింగ్ చెప్పుకోవడం ఫ్యాన్స్ లో క్రేజీ గా మారి వైరల్ అవుతుంది. ఇంగ్లీష్ వెర్షన్ లో కూడా బ్రహ్మీ తన మార్క్ కామెడీ టైమింగ్ పంచడం విశేషం. మరి ఇది ఓటీటీ వరకేనా థియేట్రికల్ గా కూడా ఉంటుందా అనేది వేచి చూడాల్సిందే. ఇక ఈ భారీ చిత్రం నుంచి ఎన్ని సర్ప్రైజ్ లు ఉన్నాయో వేచి చూడాలి. ఇక ఎలాగో జూన్ లోకి వచ్చేసాం.. దీనితో కల్కి నెల మొదలై మరిన్ని ఇంట్రెస్టింగ్ అప్డేట్స్ రానున్నాయి అని చెప్పాలి.