బాలీవుడ్ దర్శకుడు నితేష్ తివారీ దర్శకత్వంలో స్టార్ హీరో రణబీర్ కపూర్ రాముడిగా, హీరోయిన్ సాయి పల్లవి సీతగా రామాయణ్ చిత్రం రాబోతున్న సంగతి తెలిసిందే. రావణుడిగా కన్నడ స్టార్ హీరో యష్ యాక్ట్ చేస్తున్నారు. ఈ సినిమాలో సన్నీ డియోల్, రకుల్, లారా దత్తా వంటి ప్రముఖ నటీనటులు కూడా నటిస్తున్నారు. తాజాగా ఈ సినిమాకి సంబంధించి ఒక ఇంట్రెస్టింగ్ అప్ డేట్ తెలుస్తోంది. ఈ సినిమాలో మరో కీలక పాత్రలో సీనియర్ హీరోయిన్ శోభన కూడా నటిస్తోందని తెలుస్తోంది.
మరి శోభన ఏ పాత్రలో నటిస్తోందో చూడాలి. ఇక, ఈ నెల నాలుగో వారం నుంచి జరగబోయే కొత్త షెడ్యూల్ లో కొన్ని కీలక సన్నివేశాలను చిత్రీకరిస్తారట. ఈ సన్నివేశాలు సినిమాలోనే కీలకం అని, ముఖ్యంగా రణబీర్ – సాయి పల్లవి పాత్రలను ఎలివేట్ చేస్తూ ఈ సీన్స్ సాగుతాయని టాక్. అన్నట్టు కన్నడ స్టార్ హీరో యష్ ఈ మూవీ ప్రొడక్షన్ లో కూడా భాగమయ్యారు. ఆయన సహ నిర్మాతగా వ్యవహరిస్తున్నారు. పవిత్ర ఇతిహాసం రామాయణం ఆధారంగా రాబోతుంది.
