గ్లోబల్ స్టార్ రామ్ చరణ్ హీరోగా కియారా అద్వానీ, అంజలి హీరోయిన్స్ గా మావెరిక్ దర్శకుడు శంకర్ తెరకెక్కిస్తున్న అవైటెడ్ పాన్ ఇండియా చిత్రం “గేమ్ ఛేంజర్” కోసం అందరికీ తెలిసిందే. మరి మెగా అభిమానులు ఎప్పుడెప్పుడా అని ఎదురు చూస్తున్న ఈ సినిమాకి సమయం దగ్గరకి రానే వస్తుంది. అయితే ఆల్రెడీ రెండు సాంగ్స్ ని వదిలిన మేకర్స్ ఇప్పుడు మూడో సాంగ్ కి రంగం సిద్ధం చేస్తున్నారు. అలాగే ఈ సాంగ్ పై థమన్ కూడా ఇంట్రెస్టింగ్ అప్డేట్ ని అందించాడు.
అయితే ఈ సాంగ్ పై ఇప్పుడు మరో సాలిడ్ బజ్ వినిపిస్తుంది. ఈ మెలోడీ రామ్ చరణ్ కియారా నడుమ ఉండేది కాదట. రామ్ చరణ్ అంజలి నడుమ సాంగ్ ని వదలనున్నట్టు తెలుస్తుంది. ఈ సాంగ్ ఫ్లాష్ బ్యాక్ ఎపిసోడ్ లోనిది అని ఓ టాక్ ఇప్పుడు వైరల్ గా మారింది. మరి ఇలాంటి సాంగ్స్ ని డైరెక్ట్ గా థియేటర్స్ లోనే చూపిస్తే బెటర్ గా ఉండేది అని చెప్పొచ్చు. ఇంతకీ వచ్చేది ఏ సాంగ్ అనేది ఇంకా క్లారిటీ రావాల్సి ఉంది.
