శ్రీకాంత్ అడ్డాల దర్శకత్వంలో వరుణ్ సందేశ్, శ్వేతా బసు ప్రసాద్ హీరో హీరోయిన్స్ గా 2008లో తెరకెక్కిన యూత్ఫుల్ లవ్ యాక్షన్ ఎమోషనల్ ఎంటర్టైనర్ మూవీ కొత్త బంగారు లోకం. అప్పట్లో చిన్న మూవీగా రిలీజ్ అయి పెద్ద సక్సెస్ సొంతం చేసుకున్న ఈ మూవీని శ్రీ వెంకటేశ్వర క్రియేషన్స్ బ్యానర్ పై దిల్ రాజు గ్రాండ్ గా నిర్మించారు. ఇక ప్రస్తుతం పెదకాపు 1 మూవీ ద్వారా ఆడియన్స్ ముందుకి వచ్చిన శ్రీకాంత్ అడ్డాల తాజాగా ఒక ఇంటర్వ్యూ లో భాగంగా ఆ మూవీ గురించి ఒక ఇంట్రెస్టింగ్ విషయాన్ని వెల్లడించారు.
ఆయన మాట్లాడుతూ, ముందుగా కొత్త బంగారు లోకం కథని అక్కినేని నాగచైతన్య కోసం నాగార్జున కి చెప్పగా అయన రిజెక్ట్ చేసారని, అనంతరం రామ్ పోతినేని కి వినిపించగా ఆయన కూడా ఇంట్రెస్ట్ చూపలేదని అన్నారు. అనంతరం అది చివరికి వరుణ్ సందేశ్ వద్దకు చేరి విజయవంతం అవడం జరిగిందని అన్నారు. ప్రకాష్ రాజ్, జయసుధ, ఆహుతి ప్రసాద్, బ్రహ్మానందం, రావు రమేష్ తదితరులు కీలక పాత్రలు పోషించిన కొత్త బంగారు లోకం మూవీకి మిక్కీ జె మేయర్ అందించిన సాంగ్స్ అప్పట్లో పెద్ద సెన్సేషన్ అయ్యాయి.