మెగాస్టార్ చిరంజీవి – సక్సెస్ ఫుల్ డైరెక్టర్ కొరటాల శివ కాంబినేషన్ లో తెరకెక్కుతున్న ‘ఆచార్య’ సినిమాలో బిగ్ బాస్ మెహమూబ్ నటిస్తున్నాడు. జనవరి 20 నుండి మొదలైన షెడ్యూల్ లో మెహమూద్ షూట్‌లో పాల్గొన్నాడు. అయితే అతను జానపద నృత్యకారుడిగా నటిస్తున్నాడని.. ఇంటర్వెల్ లో అతని పాత్ర చనిపోతుందని.. మొత్తానికి ఎమోషనల్ పాత్రలో అతను కనిపించబోతున్నాడు అని తెలుస్తోంది. ఇక చిరు షూటింగ్ కు విరామం లేకుండా షూట్ చేసి ఆచార్యను వీలైనంత త్వరగా పూర్తి చేయాలని.. ముందుగా యాక్షన్ లేని సీన్స్ ను ప్లాన్ చేసుకోమని చిరు కొరటాలకు చెప్పారట.
ఇక ఈ సినిమాలో అభిమానులు కోరుకునే హీరో ఎలివేషన్స్ చాలా బాగుంటాయని టాక్. నిజానికి కొరటాల కథలో సహజంగానే బోలెడంత హీరోయిజమ్ ఉంటుంది. పైగా కొరటాల సినిమాలో కూడా ప్రత్యేకంగా ఓ కామెడీ ట్రాక్ పెట్టారు. అది శ్రీధర్ సిపాన చేత రాయించారు. మొత్తానికి మెగాస్టార్ – కొరటాల కలయికలో ఒక పవర్ ప్యాక్డ్ కమర్షియల్ ఎంటెర్టైనర్ రాబోతుంది. కొణిదెల ప్రొడక్షన్స్ బ్యానర్ లో రామ్ చరణ్ ఈ సినిమాని నిర్మిస్తున్నారు. మరి చూడాలి ఈ సినిమా ఏ రేంజ్ హిట్ అవుతుందో.