కోలీవుడ్ స్టార్ యాక్టర్ కార్తీ డ్యూయల్ రోల్ లో నటించిన స్పై యాక్షన్ థ్రిల్లర్ సర్ధార్. ఈ చిత్రం 2022 లో థియేటర్ల లో రిలీజ్ అయ్యి ప్రేక్షకులను, అభిమానులని విశేషంగా ఆకట్టుకుంది. ఈ చిత్రానికి సంబంధించిన సీక్వెల్ సర్దార్ 2 ఇండస్ట్రీ లో హాట్ టాపిక్ గా మారుతోంది. సర్ధార్ లో నటించిన రజిషా విజయన్ సర్దార్ 2 లో కూడా నటించనుంది. ఇదే విషయాన్ని మేకర్స్ సరికొత్త పోస్టర్ ద్వారా వెల్లడించారు.
రిలీజ్ చేసిన పోస్టర్ లో హీరోయిన్ లుక్ అలరిస్తుంది. పి.ఎస్. మిత్రన్ దర్శకత్వంలో తెరకెక్కుతున్న ఈ చిత్రంలో ఎస్.జే. సూర్య, మాళవిక మోహనన్, అషికా రంగనాథ్ లు కీలక పాత్రల్లో కనిపించనున్నారు. ప్రిన్స్ పిక్చర్స్ పతాకంపై నిర్మిస్తున్న ఈ చిత్రానికి యువన్ శంకర్ రాజా సంగీతాన్ని అందిస్తున్నాడు. ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.