లేటెస్ట్…”సరిపోదా శనివారం” నుండి ఇంట్రెస్టింగ్ అప్డేట్!

నాని హీరోగా నటిస్తున్న లేటెస్ట్ యాక్షన్ ఎంటర్టైనర్ సరిపోదా శనివారం ఆగస్టు 29 వ తేదీన విడుదల కానుంది. అంటే సుందరానికి ఫేమ్ దర్శకుడు వివేక్ ఆత్రేయ ఈ చిత్రానికి దర్శకత్వం వహిస్తున్నాడు. ఈ చిత్రంతో తను మాస్ యాక్షన్ చిత్రాలను కూడా తెరకెక్కించగలను అని ట్రైలర్ ద్వారా నిరూపించాడు. రిలీజ్ డేట్ దగ్గర పడుతున్న నేపథ్యంలో మేకర్స్ సినిమాకి సంబందించిన బ్యాలెన్స్ వర్క్ ను వీలైనంత త్వరగా పూర్తి చేసేందుకు సన్నాహాలు చేస్తున్నారు.

అర్థరాత్రి ఈ చిత్రానికి సంబంధించిన ఒక ఇంట్రెస్టింగ్ అప్డేట్ ను మేకర్స్ వెల్లడించారు. సాంగ్ చిత్రీకరణలో సరిపోదా శనివారం బిజీగా ఉందని ఒక ఫోటో ద్వారా వెల్లడించారు. ఈ పోస్ట్ కొద్ది సేపటికే సోషల్ మీడియాలో వైరల్ గా మారుతోంది. ప్రియాంక మోహన్ హీరోయిన్ గా నటించిన ఈ చిత్రంలో ఎస్.జే. సూర్య కీలక పాత్రలో కనిపించనున్నాడు. జేక్స్ బెజోయ్ సంగీతం అందిస్తున్న ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.