కోలీవుడ్ స్టార్ హీరో సూర్య వరుస సినిమాలతో బిజీగా ఉన్నారు. తన 44 వ చిత్రాన్ని డైరెక్టర్ కార్తీక్ సుబ్బరాజు తో చేయనున్నారు. ఈ చిత్రం కి సంబందించిన షూటింగ్ త్వరలో ప్రారంభం కానుంది. మేకర్స్ ఈ చిత్రం కి సంబందించిన ఇంట్రెస్టింగ్ అప్డేట్ ను తాజాగా షేర్ చేశారు. ప్రముఖ సంగీత దర్శకుడు అయిన సంతోష్ నారాయణన్ ఈ క్రేజీ ప్రాజెక్ట్ కి మ్యూజిక్ అందించనున్నారు. ఇదే విషయాన్ని సరికొత్త పోస్టర్ ద్వారా వెల్లడించారు.
పలు చిత్రాలకు అధ్బుతమైన సంగీతాన్ని అందించి, ఎంతో క్రేజ్ సొంతం చేసుకున్నారు సంతోష్ నారాయణన్. టాలీవుడ్ లో భారీ బడ్జెట్, పాన్ వరల్డ్ మూవీ, ప్రభాస్ నటిస్తున్న కల్కి (Kalki 2898AD) చిత్రానికి సంగీతం అందిస్తున్నారు. సూర్య యొక్క 2డి ఎంటర్ టైన్మెంట్ మరియు కార్తీక్ సుబ్బరాజు యొక్క స్టోన్ బెంచ్ ఫిల్మ్స్ బ్యానర్ లపై నిర్మిస్తున్న ఈ చిత్రం కోసం ఆడియెన్స్ ఎంతగానో ఎదురు చూస్తున్నారు. త్వరలో ఈ చిత్రంకి సంబందించిన మరిన్ని వివరాలు వెల్లడి కానున్నాయి.
