ప్రస్తుతం టాలీవుడ్ లో రీ రిలీజ్ సినిమాలు మళ్ళీ ఊపందుకున్నాయి. మన స్టార్ హీరోస్ నటించిన చిత్రాలు గత ఆగస్ట్ లోనే మూడు వచ్చాయి. ఇక ఈ సెప్టెంబర్ లో పవర్ స్టార్ పవన్ కళ్యాణ్ నటించిన సెన్సేషనల్ హిట్ చిత్రం “గబ్బర్ సింగ్” వచ్చింది. రేపు సెప్టెంబర్ 2 పవర్ స్టార్ బర్త్ డే అయినప్పటికీ ఓ రోజు ముందు నుంచే సినిమా స్క్రీన్స్ మీద పడింది. అయితే దీనికి కూడా భారీ వసూళ్లు రాగా అప్పట్లో గబ్బర్ సింగ్ వసూలు చేసిన అసలు నంబర్స్ మేకర్స్ నుంచి బయటకి వచ్చింది లేదు.
కానీ నిర్మాత బండ్ల గణేష్ లేటెస్ట్ మీడియా మీట్ లో అప్పటి వసూళ్లు పవన్ కళ్యాణ్ అనౌన్స్ చెయ్యొద్దు అన్నారు కాబట్టి చెప్పలేదు అని కానీ ఈసారి మాత్రం అప్పటి వసూళ్లుఇప్పుడు వసూళ్లు చెప్పేస్తానని రివీల్ చేశారు. మరి దీనిపై పవన్ అనుమతి లేకుండానే చెప్పే సాహసం బండ్ల గణేష్ చేస్తారో లేదో చూడాలి. ప్రస్తుతం గబ్బర్ సింగ్ రీ రిలీజ్ చేస్తున్నట్టుగా కూడా చెప్పలేదని తెలిపారు. మరి వసూళ్ల అనౌన్సమెంట్ లాంటి వాటికి దూరంగా ఉంటున్న పవన్ అనుమతి లేకుండా చెబుతారో లేదో చూడాలి.
