ఈ ఆగస్ట్ లో రిలీజ్ కి రాబోతున్న లేటెస్ట్ చిత్రాల్లో మాస్ యంగ్ హీరో ఎనర్జిటిక్ స్టార్ రామ్ పోతినేని హీరోగా మాస్ అండ్ డాషింగ్ దర్శకుడు పూరి జగన్నాథ్ కాంబినేషన్ లో చేసిన అవైటెడ్ సీక్వెల్ చిత్రం “డబుల్ ఇస్మార్ట్” కూడా ఒకటి. మరి వీరి కాంబినేషన్ లో ఆల్రెడీ వచ్చిన ఇస్మార్ట్ శంకర్ కి ఇది సీక్వెల్ కాగా మాస్ లో సాలిడ్ హైప్ అయితే దీనిపై ఉంది. ఇక ఈ చిత్రం ఈ స్వాతంత్ర దినోత్సవం కానుకగా వస్తుండగా ఈ సినిమా రిలీజ్ కి కొంచెం ఇబ్బంది కలుగవచ్చు అనే రూమర్ ఇప్పుడు వైరల్ గా మారింది.
అయితే పూరి జగన్నాథ్ తెరకెక్కించిన గత చిత్రం “లైగర్” కి తెలుగు రాష్ట్రాల్లో కొన్ని ప్రాంతాల్లో తీవ్ర నష్టం వచ్చిన సంగతి తెలిసిందే. ఇప్పుడు ఈ ఎఫెక్ట్ నే డబుల్ ఇస్మార్ట్ రిలీజ్ పై పడుతుంది అని కొన్ని పుకార్లు వినిపిస్తున్నాయి. గతంలో కూడా కొన్ని సినిమాలు రిలీజ్ డేట్ కి వచ్చేసరికి కొన్ని అవాంతరాలు ఎదురయ్యిన సందర్భాలు లేకపోలేవు. మరి డబుల్ ఇస్మార్ట్ మేకర్స్ దీనిని అధిగమించి ఎలాంటి ఇబ్బంది లేకుండా రిలీజ్ కి తీసుకొస్తారో లేదో చూడాలి. ఇక ఈ చిత్రానికి మణిశర్మ సంగీతం అందించగా పూరి జగన్నాథ్, ఛార్మిలు నిర్మాణం వహించారు.