మల్టీ స్టారర్ మూవీ కోసం అందరూ సుధీర్గ కాలంగా వేచి చూస్తున్నారు. ఈ స్వప్నం ‘సీతమ్మ వాకిట్లో సిరిమల్లె చెట్టు’ తో సాకారమవుతోంది. ఈ మూవీ లో ప్రముఖ తారాగణం కనువిందు చేయనున్నారు. ఈ సినిమాలో ప్రిన్స్ మహేష్ బాబు, విక్టరీ వెంకటేష్ అన్నదమ్ములు గా నటించనున్న సంగతి తెలిసిందే. సమంతా మహేష్ తో జత కట్ట బోతోంది.
అయితే, ఈ సినిమా లో మహేష్ వదిన అంటే, వెంకటేష్ భార్యగా ఎవరిని ఎంపిక చేయాలనేది ఈ చిత్ర దర్శక నిర్మాతలకు పెను సవాలుగా మారిన విషయం ఎరుకే. ఒక మంచి నటిని ఈ పాత్రకు ఎంపిక చేయటం వారికి తలకు మించిన భారమైంది. మొదట నాయన తార ఈ పాత్రలో నటిస్తారని వార్తలు షికారు చేసాయి. తాజాగా ఫిలిం నగర్ వర్గాల ఖచ్చితమైన సమాచారం ప్రకారం అందాల నటి భూమిక ఈ పాత్రను పోషించబోతున్నారని తెలిసింది. అయితే ఈ విషయాన్ని ఇప్పటివరకూ అధికారికంగా ప్రకటించలేదు.
ఒక చక్కటి తెలుగు కుటుంభ కథా చిత్రంగా సాగే ఈ సినిమాను దర్శకుడు శ్రీకాంత్ అద్దాల ఎంతో ప్రతిష్టాత్మకంగా తీసుకుని పనిచేస్తున్నారు. దిల్ రాజు ఈ చిత్ర నిర్మాత.
