టాలీవుడ్‌లో హ్యాట్రిక్ హిట్ కొట్టేందుకు ‘మిస్టర్ బచ్చన్’ మూవీతో రెడీ అయ్యారు మాస్ రాజా రవితేజ, సక్సెస్‌ఫుల్ డైరెక్టర్ హరీష్ శంకర్. ఈ సినిమా ప్రేక్షకుల్లో మంచి అంచనాలు క్రియేట్ చేయడంలో సక్సెస్ అయ్యింది. ఇక ఈ సినిమా కోసం రవితేజ అభిమానులు ఎంతో ఆసక్తిగా ఎదురుచూస్తున్నారు. ఆగస్టు 15న ఈ సినిమాను ప్రపంచవ్యాప్తంగా రిలీజ్ చేసేందుకు మేకర్స్ రెడీ అయ్యారు.
మాస్ యాక్షన్ ఎంటర్‌టైనర్ మూవీగా రానున్న ‘మిస్టర్ బచ్చన్’ కోసం ప్రీమియర్స్‌ను ప్లాన్ చేస్తున్నారు మేకర్స్. ఈ సినిమా రిలీజ్‌కి ముందురోజైన ఆగస్టు 14న సాయంత్రం 6 గంటలకు పలు నగరాల్లో ఈ సినిమా స్పెషల్ ప్రీమియర్స్ వేయబోతున్నట్లుగా సినీ సర్కిల్స్‌లో టాక్ వినిపిస్తోంది.
దీంతో ఈ సినిమాను అందరికంటే ఒకరోజు ముందుగానే వీక్షించాలని రవితేజ ఫ్యాన్స్ అనుకుంటున్నారు. దీనికోసం వారు ప్రీమియర్స్ వేసే థియేటర్ల వివరాలు, టికెట్ల కోసం ఆరా తీయడం మొదలుపెట్టారు. అయితే, ఈ విషయంపై మేకర్స్ నుంచి ఇంకా ఎలాంటి అఫీషియల్ స్టేట్‌మెంట్ రాలేదు. ఇక ఈ సినిమాలో అందాల భామ భాగ్యశ్రీ బొర్సె హీరోయిన్‌గా నటిస్తోంది. టిజి.విశ్వప్రసాద్ పీపుల్ మీడియా ఫ్యాక్టరీపై ఈ చిత్రాన్ని ప్రొడ్యూస్ చేస్తున్నారు.
